1 Peter 5:10 — Compare Translations

Kamba (MBIVILIA ŨVOO MŨSEO)

Ĩndĩ ĩtina wa kũthĩna kwa kavinda kanini, Ngai ũla ũnenganae mumo mwingĩ, na ũla ũmwĩtĩte mwĩthĩwe na ũkumyo wake wa tene na tene kwa kũmũĩkĩĩa Klĩsto, akamũtw'a ethĩanu amũlũlũmĩĩlye, na kũmũnenga vinya na kũmwĩkalya mũtathingithw'a nĩ kĩndũ.

Kamba (Mbivilia) 1956

Na Ngai wa mumo w’onthe, ũla wamwĩtie inyw’ĩ mũlike ndaĩanĩ yake ya tene na tene nthĩnĩ wa Klĩsto, mwamina kũthĩnw’a ĩvinda ĩnini, we mwene akamwĩanĩsya, na ũmũlũlũmĩlya, na ũmwĩkĩa vinya.