1 Samuel 14:45 — Compare Translations

Kamba (MBIVILIA ŨVOO MŨSEO)

Andũ nĩmakũlilye Saũlo atĩĩ, “Yonathani, ũla ũetie ũsindi ũũ mũnene kwa andũ ma Ĩsilaeli nũkũawa? Aiee. Nĩtũkwĩvĩta ĩsyĩtwanĩ ya Mwĩai Ngai ũla wĩ thayũ, kana o na ũsw'ĩĩ wa mũtwe wa Yonathani ndwĩkiitwa. Ũndũ ũla wĩkie ũmũnthĩ ekie atetheew'e nĩ Ngai.” Kwoou andũ nĩmatangĩĩie Yonathani alea kũawa.

Kamba (Mbivilia) 1956

Na andũ mamũkũlya Saulo, Yonathani nũkũkw’a, ũla wĩkie ũtangĩĩo ũũ mũnene nthĩnĩ wa Isilaeli? Ũũ wĩthĩwe kũasa: o tondũ Yeova wĩ thayũ, vati ũsw’ĩĩ ũmwe wa mũtwe wake wĩvalũka nthĩ; nũndũ nũtethisye vamwe na Ngai ũmũnthĩ. Ũu nĩw’o andũ mamũvonokisye Yonathani, ndakakw’e.