1 Samuel 18:17 — Compare Translations

Kamba (MBIVILIA ŨVOO MŨSEO)

Saũlo nĩwaneenie na Ndeviti amwĩa atĩĩ, “Ũũ nĩ Melavu mwĩĩtu wakwa ũla mũkũũ. Nĩngũũnenga we ũmũtwae ethĩwa ũkanthũkũmaa ta mũsikalĩ ngũmbaũ na mwĩwi, na ũyũkitaa makaũnĩ ma Mwĩai Ngai.” Saũlo asũanĩaa kana kwa nzĩa ĩsu Avilisiti makooaa Ndeviti na kwoou ũyĩthĩa ti we mwene wamũaa.

Kamba (Mbivilia) 1956

Na Saulo amwĩa Ndaviti, Sisya, mwĩĩtu wakwa ũla mũkũũ Melavu, nĩwe nĩkũnenga ethĩwe mũkau: ĩndĩ no wĩthĩwe wĩ na ũkũmbaũ nũndũ wakwa, na ũkyũkitĩthasya makaũ ma Yeova. Nũndũ Saulo aisye, Kw’oko kwakwa kũikethĩwe ĩũlũ wake, ĩndĩ kw’oko kwa Avilisiti kwĩthĩwe ĩũlũ wake.