1 Samuel 20:3 — Compare Translations

Kamba (MBIVILIA ŨVOO MŨSEO)

Ĩndĩ Ndeviti nĩweevĩtie ayasya atĩĩ, “Ĩthe waku nĩwĩsĩ nesa kana nũmbendete. Nũminĩte kũsũanĩa ngoonĩ yake, akasya, ‘Yonathani ndaĩlĩte kũmanya ũndũ ũũ, nũndũ amanya nũkwĩw'a woo mũno.’ Nĩngwĩvĩta ĩsyĩtwanĩ ya Mwĩai Ngai ũla wĩ thayũ na ĩsyĩtwanĩ yaku, kana kĩkw'ũ kyakwa kĩ vakuvĩ mũno!”

Kamba (Mbivilia) 1956

O na ĩngĩ Ndaviti eevĩta, na asya, Au nĩwĩsĩ nesa kana nĩnonete ũseo methonĩ maku; na easya, Yonathani ndakamanye ũũ, ndakese kwĩw’a woo: ĩndĩ w’o o tondũ Yeova wĩ thayũ, na o tondũ kyuu kyaku kĩ thayũ, no ĩtambya yĩ katĩ wakwa na kĩkw’ũ.