1 Samuel 22:18 — Compare Translations

Kamba (MBIVILIA ŨVOO MŨSEO)

Saũlo nĩweeie Ndoeki atĩĩ, “Ũaa athembi aa!” Ndoeki nĩwooaie athembi asu onthe. Mũthenyanĩ ũsu, Ndoeki ooaie athembi mĩongo nyanya na atano ala meekĩaa ĩla ngũa ya ĩũlũ yĩtawa evoti.

Kamba (Mbivilia) 1956

Na mũsumbĩ amwĩa Ndoeki, Ĩthyũũe we, na ũimathũũmũkĩa athembi. Na Ndoeki Mũetomu eethyũũa, na athũũmũkĩa athembi, na ooaa mũthenya ũsu andũ mĩongo nyanya na atano ala meekĩaa evoti ya katane.