1 Samuel 25:39 — Compare Translations

Kamba (MBIVILIA ŨVOO MŨSEO)

Yĩla Ndeviti weewie kana Navali nũkwie, nĩwaneenie asya atĩĩ, “Mwĩai Ngai nĩataĩwe! Nĩwandĩvanĩsya kũla kwĩ Navali nũndũ nũnanumie. Mwĩai Ngai nũnanziĩĩie nyie mũthũkũmi wake ndakeke naĩ. Nũnakanisye Navali nũndũ wa ũthũku wake.”

Kamba (Mbivilia) 1956

Na yĩla Ndaviti wewie kana Navali aĩ mũkw’ũ, asya, Nataĩwe Yeova, ũla ũteteete ũndũ wa kũvũthw’a kwakwa kũla kumĩte kw’okonĩ kwa Navali, na nũsiĩĩĩte mũthũkũmi wake ndakeke ũthũku: na Yeova nũtũngĩte wĩko mũthũku wa Navali mũtwenĩ wake mwene. Na Ndaviti atũmana Avikaili akaneenwe nake amũtwae ethĩwe mũka.