1 Samuel 9:24 — Compare Translations

Kamba (MBIVILIA ŨVOO MŨSEO)

Mũui nĩwaetie nyama ĩsu ya kũũ yanyuvĩtwe, vamwe na syĩndũ ila syaĩ vamwe nayo na amia mbee wa Saũlo. Samũeli nĩwaneenie asya, “Kĩĩ nĩkyo kĩlungu kĩla kĩĩiĩtwe kwondũ waku nĩ kana ũkĩye yu wĩ na andũ ala nĩthoketye.” Kwoou Saũlo nĩwaĩsanĩie na Samũeli mũthenyanĩ ũsu.

Kamba (Mbivilia) 1956

Na mũui oosa waswa, na kĩla kyaĩ ĩũlũ waw’o, na aia mbee wa Saulo. Na Samueli amwĩa, Sisya kĩla kĩiĩtwe! Kie mbee waku na ũkĩya; nĩkwĩthĩwa kũvika ĩvinda yĩla yĩĩ ĩtw’ĩtwe nĩkiiwe nũndũ waku, nũndũ naisye, Nĩnĩmetĩte andũ. Kwondũ wa ũu Saulo aĩsanĩa na Samueli mũthenya ũsu.