2 Chronicles 20:24 — Compare Translations

Kamba (MBIVILIA ŨVOO MŨSEO)

Yĩla asikalĩ ma kaũ ma Yuta mavikie weũnĩ vandũnĩ vatũlu va kũsyaĩĩsya, na masisya kwelekela vala vaĩ ĩla nguthu nene mũno ya asikalĩ, kĩla moonie no mĩĩ ya asikalĩ asu me akw'ũ ĩvalũkangĩte nthĩ; vai ũmwe wa asikalĩ asu watialĩte.

Kamba (Mbivilia) 1956

Na yĩla Yuta mavikie mwakonĩ mũtũlu wa mũnyoolo wa kũsyaĩĩsya wĩ weũnĩ, masisya ĩ nguthu; na, sisya, maĩ simba ivalũkangĩte nthĩ, na vati ũmwe waavonoka.