2 Chronicles 20:26 — Compare Translations

Kamba (MBIVILIA ŨVOO MŨSEO)

Mũthenyanĩ wa kana nĩmoombanĩie Mwandanĩ wa Mbelaka, na mataĩa Mwĩai Ngai nũndũ wa maũndũ ala weekĩte. Kĩu nĩkyo kyatumie mwanda ũsu wĩtwa Mwanda wa Mbelaka nginya ũmũnthĩ.

Kamba (Mbivilia) 1956

Na mũthenya wa kana moombana mwandanĩ wa Mbelaka; na vau mamũtaĩa Yeova: kwondũ wa ũu syĩtwa ya vandũ vau veetwa Mwanda wa Mbelaka kũvika ũmũnthĩ.