2 Chronicles 22:9 — Compare Translations

Kamba (MBIVILIA ŨVOO MŨSEO)

Yeũ nĩwaendeeie kũmantha Aasia. Aasia eethĩiwe evithĩte Samalia na akwatwa. Akwatwa nĩwatwaiwe vala ve Yeũ na ĩndĩ ooawa. Ĩndĩ nĩmathikie mwĩĩ wake nũndũ wa ndaĩa ĩla manengete Mũsumbĩ Yeosavati ũmae wake, ũla wathũkũmie Mwĩai Ngai na ngoo yake yonthe. Vai mũndũ o na ũmwe wa mũsyĩ wa Aasia waatiala, na waĩ atonya kũsumbĩka Yuta.

Kamba (Mbivilia) 1956

Na amantha Aasia, na mamũkwata (na eevithĩte ku Samalia), na mamũete kwa Yeu na mamũaa; na mamũthika, nũndũ maisye, Nĩ mwana wa Yeosavati, ũla wamũmanthie Yeova na ngoo yake yonthe. Na nyũmba ya Aasĩa ndĩaĩ na ũtonyi wa kũlũmya ũsumbĩ.