2 Chronicles 23:7 — Compare Translations

Kamba (MBIVILIA ŨVOO MŨSEO)

Alivai nĩmathyũlũlũke Mũsumbĩ Yoasi mamũsũvĩe, kĩla mũndũ akwete mũio wake wa kaũ. Mũndũ ũngĩ o na wĩva ũla wĩlika Ĩkalũnĩ no nginya oawe. Ĩkalaai vakuvĩ na mũsumbĩ kĩla vandũ ũĩ ĩvinda yonthe.”

Kamba (Mbivilia) 1956

Na Alivai makathyũlũlũka mũsumbĩ ngalĩ syonthe, kĩla mũndũ akwete mĩio yake ya kaũ kw’okonĩ kwake; na o ũla wĩũka nyũmbanĩ, nĩoawe: na mwĩĩthĩwa na mũsumbĩ yĩla wĩlika, na yĩla wĩumaala.