2 Chronicles 25:16 — Compare Translations

Kamba (MBIVILIA ŨVOO MŨSEO)

Mwathani ũsu aendee kũneena, Amasia nĩwamũkũlilye atĩĩ, “Ithyĩ tũneekũtw'ĩkĩthya mũtai wa mũsumbĩ? Eka kũneena, wĩenda wũawe nĩkĩ?” Mwathani ũsu nĩwaekie kũneena ĩndĩ mbee wa ũu asya, “Nĩnĩsĩ kana Ngai nũvangĩte ũkũmina nũndũ nĩwĩkĩte maũndũ asu na nĩwalea ũtao wakwa.”

Kamba (Mbivilia) 1956

Na kweethĩwa, akĩneena nake, mũsumbĩ amũkũlya, Nĩtwakũnyuvie wĩthĩwe wa atai ma mũsumbĩ? Eka; nĩkĩ ũkwenda ũkũnwa? Na ĩndĩ mwathani aeka, na asya, Nĩnĩsĩ Ngai mũtw’ĩte ũkwananga, nĩkwĩthĩwa nĩwĩkĩte ũu, na ndwaaĩthukĩĩsya ũtao wakwa.