2 Chronicles 26:18 — Compare Translations

Kamba (MBIVILIA ŨVOO MŨSEO)

Nĩmakanisye Mũsumbĩ Usia na mamwĩa atĩĩ, “Usia, ndwĩ na mwanya wa kũvĩvĩsya Mwĩai Ngai ũvani. No athembi me oka, ala nĩ nzyawa sya Alũni, mavathĩtwe nĩ kana mekae ũu. Uma vaa Ĩkalũnĩ; nĩwavĩtĩsya Mwĩai Ngai, nayu ndwĩĩthĩwa na ndaĩa ĩngĩ.”

Kamba (Mbivilia) 1956

na mamũkan’ya mũsumbĩ Usia, na mamwĩa, Ti wĩa waku, Usia, kũmũtoeesya Yeova ũvani, ĩndĩ nĩ wa athembi na ana ma Aluni, ala mavathanĩtw’e methĩwe atheu matoeeasye ũvani: uma ĩkalũnĩ; nũndũ nũvĩtĩtye; o na ũu ndũkethĩwa ndaĩa kwaku kuma kwa Yeova Ngai.