2 Chronicles 31:1 — Compare Translations

Kamba (MBIVILIA ŨVOO MŨSEO)

Yĩla mboka yathelile, andũ onthe ma Ĩsilaeli nĩmaendie ndũanĩ syonthe sya Yuta, na maananga ituĩ sya mavia, matilanga mĩvw'anano ya ngai nga ĩla yĩtawa Asela, na maananga ithembeo na kũndũ kwa kũthaithĩa mĩvw'anano. Nĩmeekie oou kĩla vandũ nthĩ ya Yuta, na isionĩ sya Mbengyameni, Evalaimu na Manase. Nĩvo ĩndĩ andũ ma Ĩsilaeli menũkie ndũanĩ syoo kĩla mũndũ ng'ũndũnĩ yake.

Kamba (Mbivilia) 1956

Na ĩndĩ yĩla ũu w’onthe wathelile, Isilaeli onthe ala maĩ vo mauma mathi ndũanĩ sya Yuta, na matũlanga ituĩ, na matema Aselimu yavalũka, na maananga kũla kũndũ kũtũlu na ithembeo nthĩ yonthe ya Yuta na Mbenyamini, o na nthĩ ya Evalaimu na Manase, kũvika maananga syonthe. Na ĩndĩ ana onthe ma Isilaeli masyoka, kĩla mũndũ ng’ũndũnĩ yake, ndũanĩ syoo ene.