2 Chronicles 33:14 — Compare Translations

Kamba (MBIVILIA ŨVOO MŨSEO)

Ĩtina wa maũndũ asu, Manase nĩwaakie ũkũta wa nza ngalĩko ya wumĩlonĩ wa syũa wa Ndũa ya Ndeviti, kuma Mwandanĩ ũla wĩ kĩthimanĩ kya Ngioni ngalĩko ya ĩũlũ, kũvika vala ve Mũomo wa Makũyũ na kĩsio kya ndũa kĩtawa Oveli. Awakie wĩ mũtũlu mũno, na o ta ũu nĩwanyuvie mũnene ũmwe wa asikalĩ ma kaũ ethĩwe e mũnene wa kĩkundi kya asikalĩ nthĩnĩ wa kĩla ndũa mbiĩĩe ya Yuta.

Kamba (Mbivilia) 1956

Na ĩtina wa ũu aaka ũvai wa ũtee wa ndũa ya Ndaviti, ngalĩ ya ũthũĩlonĩ wa syũa ya Ngioni, kyandanĩ, o kũvĩka ũlikĩlonĩ mbingĩlonĩ ya makũyũ; na athyũlũlũkya Oveli ngalĩ syonthe naw’o, na ootũlya watũla mũno: na aia makavuteni me ũkũmbaũ ndũanĩ syonthe mbiie sya Yuta.