2 Chronicles 7:3 — Compare Translations

Kamba (MBIVILIA ŨVOO MŨSEO)

Yĩla andũ ma Ĩsilaeli moonie mwaki ũsu watheea kuma ĩtunĩ, na moona ũtheu mũtisu wa Mwĩai Ngai wausũa Ĩkalũnĩ, nĩmatulilye ndu vandũ vaseũvye na mavia, mothyũ moo matinĩte nthĩ, mathaitha Mwĩai Ngai na mamũtũngĩa mũvea mayasya atĩĩ, “Mwĩai Ngai nĩ mũseo, na wendo wake ũtaolekaa nĩwĩkalaa tene na tene.”

Kamba (Mbivilia) 1956

Na ana onthe ma Isilaeli meeloela, yĩla mwaki watheeie, na ũtheu mũtisu wa Yeova waĩ ĩũlũ wa nyũmba; na meekunamya mothyũ moo melekele nthĩ vandũ vaseũvye na mavĩa, na mathaitha, na mamũtũngĩa Yeova mũvea, makyasya, Nũndũ nĩ mũseo; nũndũ ũseo wake wĩ wendo nĩwĩkalaa tene na tene.