2 Corinthians 3:7 — Compare Translations

Kamba (MBIVILIA ŨVOO MŨSEO)

Mĩao yaandĩkiwe kwa kũtemeleela ndeto masengeanĩ ma mavia, na kyeni kĩtisu mũno kya Ngai nĩkyaumĩlile yĩla mĩao ĩsu yanenganawe. Ĩvindanĩ yĩu ũthyũ wa Mwose nĩwatisatisie mũno weethĩa andũ ma Ĩsilaeli maitonya kũũsisya nũndũ wa kũtisatisa kwa w'o, o na kau kũtisatisa kũu kwaĩ o kwa kavinda. Ethĩwa ĩndĩ Mĩao ĩla ĩetae kĩkw'ũ kwa andũ nthĩnĩ wa ũthũkũmi wayo, yookie na kyeni kĩtisĩte ũu,

Kamba (Mbivilia) 1956

Ĩndĩ ethĩwa ũla ũthũkũmi wa kĩkw’ũ, waandĩkĩtwe ũvanĩtwe masengeanĩ ma mavia, wookie na ũtheu mũtisu, ũndũ ana ma Isilaeli matyaatonya kũketeea ũthyũ wa Mose kwondũ wa ũtheu mũtisu waw’o; na nĩ ũtheu mũtisu ũla wavĩtĩte: