2 Kings 11:2 — Compare Translations

Kamba (MBIVILIA ŨVOO MŨSEO)

Ĩndĩ Yeoseva, mwĩĩtu-a-inyia wa Aasia, ũla waĩ mwĩĩtu wa Mũsumbĩ Yeolamu, nĩwoosie Yoasi mwana wa Aasia amumya vala ve ana ma kĩ-ũsumbĩ ala makilĩlye kũawa na amũvitha. Nĩwamwosie amũvitha vamwe na mũei wake kasũmbanĩ ka kũkoma, nĩ kana ndakoawe nĩ Athalia; kwoou ndaaũawa.

Kamba (Mbivilia) 1956

Ĩndĩ Yeoseva, mwĩĩtu wa mũsumbĩ Yolamu, mwĩĩtu‐a‐inyia wa Aasia, oosa Yoasi mwana wa Aasia, na amũya kũmumya ananĩ ma mũsumbĩ ala mooaawa, o we na mũei wake, na amekĩa kasũmbanĩ ka ũkoma; na mamũvitha Athalia ndakamwone, na ĩndĩ ndaaũawa;