2 Kings 12:9 — Compare Translations

Kamba (MBIVILIA ŨVOO MŨSEO)

Nĩvo ĩndĩ Yeoiata woosie ĩsandũkũ na atonya ĩima ngunĩkonĩ ya yo. Nĩwaiie ĩsandũkũ yĩu ũtee wa kĩthembeo, ngalĩko ya kw'oko kwa aũme kwa mũndũ ailika Ĩkalũnĩ. Athembi ala meethĩawa wĩanĩ maithũkũma mũomonĩ wa Ĩkalũ, nĩmoosaa mbesa syonthe ila syaetawe makasyĩkĩa ĩsandũkũnĩ yĩu.

Kamba (Mbivilia) 1956

Ĩndĩ mũthembi Yeoiata oosa ĩsandũkũ, na atonya ĩima ngunĩkonĩ yayo, na ayia ũtee wa kĩthembeo, ngalĩ ya kw’oko kwa aũme, vala mũndũ ũlikĩlaa nyũmbanĩ ya Yeova: na athembi ala masũvĩaa me mwalyonĩ meekĩa nthĩnĩ wayo mbesa syonthe ila syaetiwe nyũmbanĩ ya Yeova.