2 Kings 15:29 — Compare Translations

Kamba (MBIVILIA ŨVOO MŨSEO)

Ĩvindanĩ ya kũsumbĩka kwa Veka mũsumbĩ wa Ĩsilaeli, Tikilathi-vileseli mũsumbĩ wa Asuli, nĩwakwatie ndũa sya Ĩyoni, Aveli-mbethi-maaka, Yanoa, Ketesi, Asoli, Ngileati, Kalilii na nthĩ ya Navutalĩ. Nĩwakwatie andũ ma isio isu amatwaa nthĩ ya Asuli me ove.

Kamba (Mbivilia) 1956

Mĩthenyanĩ ya Veka mũsumbĩ wa Isilaeli, Tikilathi‐vileseli mũsumbĩ wa Asuli ooka, na akwata ndũa sya Iyoni, na Aveli‐mbethi‐maaka, na Yanoa, na Ketesi, na Asoli, na Ngileati, na Ngalilii, nthĩ yonthe ya Navitali; na amatwaa me atave Asuli.