2 Kings 21:6 — Compare Translations

Kamba (MBIVILIA ŨVOO MŨSEO)

Nĩwathembie mwana wake mwene ethĩwe nthembo ya kũvĩvw'a. O ta ũu nĩwaũasya, na kũingya nyũnyi, na nĩwakũlasya ala mamanyaa maũndũ kwĩsĩla mavevanĩ ma andũ ala makwie, na ala monaa maũndũ mawoninĩ. Nĩweekie maũndũ mathũku matamwendeeasya Mwĩai Ngai, na kwoou amũthatya mũno.

Kamba (Mbivilia) 1956

Na avĩtĩlya mwana wake mwakinĩ, na aingasya nyũnyi, na eekaa maũndũ ma mowe, na akũlasya ala mesene na maveva, na oombasya ithitũ: eekaa mũno ũla Yeova wonaa wĩ ũthũku, akĩmũthatya.