2 Kings 22:20 — Compare Translations

Kamba (MBIVILIA ŨVOO MŨSEO)

Kwoou ũkakw'a na ũithikwa na mũuo. Ndũkona thĩna ũla ngaete vandũnĩ vaa.’ ” Andũ asu nĩmasyokie kũla kwĩ mũsumbĩ na mamũtavya ũtũmani ũsu.

Kamba (Mbivilia) 1956

Kwondũ wa ũu, sisya ngakũmban’ya wĩthĩwe vamwe na aaĩthe maku, na ũkoomban’wa mbũanĩ yaku na mũuo, o na metho maku matikona ũthũku w’onthe ũla ngaete ĩũlũ wa vandũ vaa. Na mamũtũngĩa mũsumbĩ ũvoo.