2 Kings 24:13 — Compare Translations

Kamba (MBIVILIA ŨVOO MŨSEO)

Nĩwakuie ũthwii w'onthe wa Ĩkalũ na wa nyũmba ya kĩ-ũsumbĩ aũtwaa Mbavilonĩ, kwĩanana na ũndũ Mwĩai Ngai waneenete. O ta ũu nĩwakuie syĩndũ sya thaavu syonthe, ila Solomoni mũsumbĩ wa Ĩsilaeli waseũvĩtye itũmĩawe Ĩkalũnĩ.

Kamba (Mbivilia) 1956

Na akua aumya vo mothwii maie onthe ma nyũmba ya Yeova, na mothwii maie ma nyũmba ya mũsumbĩ, na atilanga mĩio yonthe ya thaavu ilungu, ĩla Solomoni mũsumbĩ wa Isilaeli waseũvĩtye ĩkalũnĩ ya Yeova, o tondũ Yeova waneenie.