2 Kings 25:23 — Compare Translations

Kamba (MBIVILIA ŨVOO MŨSEO)

Yĩla atongoi ma asikalĩ na asikalĩ ala maĩ namo, meewie kana mũsumbĩ wa Mbavilonĩ nũtw'ĩkĩthisye Ngetalia ngavana, nĩmookie Misiva kũla kwĩ Ngetalia. Atongoi asu ma asikalĩ maĩ Ĩsumaeli mwana wa Nethania, Yoanani mwana wa Kalea, Selaia mwana wa Tanumethi kuma ndũanĩ ya Netovathi, na Yesania mwana wa mũndũ waumĩte Maaka. Atongoi asu maĩ vamwe na asikalĩ moo.

Kamba (Mbivilia) 1956

Na ĩndĩ yĩla makavuteni onthe ma ita, mo na andũ moo, meewie kana mũsumbĩ wa Mbaviloni nũmũtw’ĩkĩthĩtye Ngetalia ngavana, mooka kwa Ngetalia ku Misiva, o Isumaeli mwana wa Nethania, na Yoanani mwana wa Kalea, na Selaia mwana wa Tanumethi Mũnetovathi, na Yaasania mwana wa Mũmaaka, mo na andũ moo.