2 Kings 7:9 — Compare Translations

Kamba (MBIVILIA ŨVOO MŨSEO)

Nĩvo ĩndĩ maneenie ene kwa ene masya atĩĩ, “Ũũ tũkwĩka ti ũseo. Ũmũnthĩ nĩ mũthenya wĩ na ũvoo mũseo, na tũyaĩlĩte kũvindya. Tweeteela nginya kĩoko, tũilea kũĩvĩthw'a ũndũ ũsu. Tũthi oyu tũtekweteela tũtavany'e kwa mũsumbĩ.”

Kamba (Mbivilia) 1956

Nĩvo ĩndĩ maneenanisye ene kwa ene, Tũtikwĩka nesa; ũmũnthĩ nĩ mũthenya wa ũvoo mũseo, na ithyĩ nĩtũvindĩtye: ethĩwa twĩĩkala kũvika kĩoko kũikya, ũsilĩlo ũkatũvikĩla; kwondũ wa ũu ĩndĩ ũkai, tũende tũtavye andũ ma nyũmba ya mũsumbĩ: