2 Samuel 14:19 — Compare Translations

Kamba (MBIVILIA ŨVOO MŨSEO)

Mũsumbĩ amũkũlya, “Yoavu nĩwe ũkũtũmie wũke kũndavya maũndũ aa?” Nake mũndũ mũka asũngĩa asya, “Nĩngwĩvĩta na thayũ waku we mũnene na mũsumbĩ wakwa, vai mũndũ ũtonya kũalyũla ũndũ o na wĩva ũla we ũminĩte kũneena. Nĩw'o, nĩ mũthũkũmi waku Yoavu ũla ũndavisye ndeto syonthe ila nyie mũthũkũmi waku nakũtavya.

Kamba (Mbivilia) 1956

Na mũsumbĩ amũkũlya, Kw’oko kwa Yoavu kwĩ naku ũndũnĩ ũũ w’onthe? Na mũndũ mũka asũngĩa na asya, O tondũ kyuu kyaku kĩ thayũ, mwĩaĩi wakwa mũsumbĩ, vati ũla ũtonya kwĩthyũũa kw’okonĩ kwa aũme kana kwa aka kũtia ũndũ o na wĩva ũla mũsumbĩ ũneenete; nũndũ mũthũkũmi waku Yoavu, we nũmbĩaĩe, na eekĩa ndeto isu syonthe kanyw’anĩ wa mũthũkũmi waku mwĩĩtu;