Daniel 6:7 — Compare Translations

Kamba (MBIVILIA ŨVOO MŨSEO)

Ithyonthe ala tũthũkũmaa ũsumbĩnĩ waku: Asili, anini maku, atai na makavana nĩtwonie kana nĩ waĩlu we mũsumbĩ wumye mwĩao na ũyasya no nginya ũatĩĩwe vyũ. Ĩyĩae wasye kana vandũ va mĩthenya mĩongo ĩtatũ vai mũndũ waĩlĩte kũvoya ngai ĩngĩ o na yĩva kana mũndũ o na wĩva ate o kũũvoya we mũsumbĩ. Mũndũ ũla ũkũtũla mwĩao ũsu, nũkwĩkw'a ngunganĩ ya mĩnyambũ.

Kamba (Mbivilia) 1956

Anene onthe ma ũsumbĩ, o na amũli na asumbĩ anini, na atai na makavana, nĩmasũanĩĩte vamwe kwia mwamũlo wa kĩũsumbĩ, na kũtw’a ũtw’ĩo mũlũmu, kana o ũla wĩvoya ũndũ wa ngai o na yĩva kana kwa mũndũ ĩvinda ya matukũ mĩongo ĩtatũ, ate o kwaku, we mũsumbĩ, akekw’a ngunganĩ ya mĩnyambũ.