Deuteronomy 1:7 — Compare Translations

Kamba (MBIVILIA ŨVOO MŨSEO)

Ambũai maeema na mũyambĩĩa kyalo mwelekele nthĩ yĩ iĩma ya Aamoli. O ta ũu endai isionĩ sya mbaĩ ila ingĩ ithyũlũlũkĩte nthĩ ĩsu, ila nĩ Mwanda wa Yolotani, nthĩ yĩ iĩma, nthĩ ndindimalu, ngalĩko ya ĩtheo ĩla yĩtawa Nengevu, na kĩsionĩ kĩla kĩ ũtee wa Ũkanga wa Menditelenia. Endai nthĩ ya Akanaani na mũivĩtũka mũthi iĩmanĩ sya Levanoni kũthi kũvika Ũsĩnĩ mũnene wa Euvalati.

Kamba (Mbivilia) 1956

ĩthyũũei, mũkwate kyalo kyenyu, mũthi nthĩ ya Aamoli ĩla yĩ iĩma, na kũndũ kw’onthe kũla kwĩ vakuvĩ nayo, mwandanĩ wa Alava, nthĩ yĩ iĩma, na nthĩ ndindimalu, na ngalĩ ya Ĩtheo, na ũtee wa ũkanga, nthĩ ya Akanaani, na Levanoni, kũvika ũsĩ ũla mũnene, ũsĩ wa Euvalati.