Deuteronomy 16:3 — Compare Translations

Kamba (MBIVILIA ŨVOO MŨSEO)

Yĩla mũũya lĩu ũsu, mũikaye mũkate ũuĩtwe wĩ mwĩkĩe mbota. Vandũ va mĩthenya mũonza, mũkaĩsaa mĩkate ĩuĩtwe ĩte mbĩkĩe mbota o ũndũ mweekie yĩla mwaumaa nthĩ ya Misili mwĩkalaatĩte. Yai mĩkate ĩsu ĩla ĩketawa mĩkate ya mathĩna nĩ kana ĩvindanĩ yonthe yĩla yũkĩte mwĩthĩawe mũililikana mũthenya ũla mwaumie nthĩ ya Misili, kũla mwekalaa mwĩ ngombo.

Kamba (Mbivilia) 1956

Ndũkaaye kĩmũtũkĩ ĩlawa vamwe naw’o; mĩthenya mũonza wĩya kĩmũtũ kĩte ĩlawa vamwe naw’o, nĩ kĩmũtũ kya thĩna; nũndũ nĩwaumie nthĩ ya Misili ũindũkĩte: nĩ kana mĩthenya yonthe ya thayũ waku ũlilikane mũthenya ũla waumie nthĩ ya Misili.