Ecclesiastes 9:2 — Compare Translations

Kamba (MBIVILIA ŨVOO MŨSEO)

Onthe methĩawa na mũminũkĩlyo wa mũthemba ũmwe; me alũngalu kana me na ũvuku wa ngoo; me aseo kana me athũku; me na ũtheu wa ngoo kana mate atheu ngoo; ala maumasya nthembo na ala mataumasya. O ũndũ kwĩthĩawa kũilyĩ kwa mũndũ ũla mũseo, now'o kwĩthĩawa kwa ũla wĩkaa naĩ; o ta ũu o ũndũ kwĩthĩawa kũilyĩ kwa ala mevĩtaa, now'o kwĩthĩawa kwa ala maleaa kwĩvĩta.

Kamba (Mbivilia) 1956

Maũndũ onthe mokaa ũndũ ũmwe kwa onthe; ve ũndũ ũmwe kwa ũla mũlũngalu na kwa ũla mũthũku; kwa ũla mũseo na kwa ũla mũtheu na ũla mũvuku; kwa ũla ũthembaa na kwa ũla ũtathembaa; o tondũ ũla mũseo ũilyĩ, now’o mũndũ mwathe ũilyĩ; na ũla wĩvĩtaa, o ta ũla ũkĩaa wĩvĩto.