Esther 1:19 — Compare Translations

Kamba (MBIVILIA ŨVOO MŨSEO)

Kwoou ethĩwa mũsumbĩ nũkwona wĩ waĩlu umya ũtw'ĩo wa kĩ-ũsumbĩ na ũiandĩkwa ta ũmwe wa mĩao ya Velisia na Metia nĩ kana wĩthĩwe ũtatonya kũalyũlwa. Ũtw'ĩo ũsu nĩwasye kana Vasiti ti mũka wa Mũsumbĩ Aasuelo ĩngĩ; mũsumbĩ nĩanengane mwanya ũsu wa Vasiti kwa mũndũ mũka ũngĩ wĩ ndaĩa kwĩ we.

Kamba (Mbivilia) 1956

Ethĩwa nĩwendeesya mũsumbĩ, nĩkume mwĩao wa kĩũsumbĩ kuma kwake, na ũkĩandĩkwa katĩ wa mĩao ya Avelisia na Ametia, ĩla ĩtaalyũkaa, kana Vasiti ndakaaũke ĩngĩ vala ve mũsumbĩ Aasuelo; na mũsumbĩ nanenge ũngĩ wĩ kavaa kwĩ we kĩanda kya kĩũsumbĩ vandũ vake.