Esther 2:21 — Compare Translations

Kamba (MBIVILIA ŨVOO MŨSEO)

Ĩvindanĩ yĩla Molitekai wathũkũmaa nyũmbanĩ ya mũsumbĩ, elĩ katĩ wa ala aũme avakũe ma mũsumbĩ namo nĩ Mbikithana na Telesi, ala masungaa mũomonĩ wa kũlika kwa mũsumbĩ, nĩmathatiw'e nĩ mũsumbĩ na maseũvya mũvango wa kũmũaa.

Kamba (Mbivilia) 1956

Mĩthenya ĩsu, yĩla Molitekai wekalaa nthĩ mbingĩlonĩ kwa mũsumbĩ, avakũe elĩ ma kwa mũsumbĩ, Mbikithana na Telesi, ma asu ala masũvĩaa myalyonĩ, mathilĩka, na mamantha kũmũkwata mũsumbĩ Aasuelo.