Esther 3:12 — Compare Translations

Kamba (MBIVILIA ŨVOO MŨSEO)

Matukũ ĩkũmi na atatũ mwei wa mbee, Amani nĩweetie athũkũmi ma mũsumbĩ ala matethasya wĩa wa kũandĩka. Nĩwamaumĩisye mwĩao maandĩke ũtw'ĩo wake na ithyomo syonthe ila syatũmĩawa isionĩ ila Mũsumbĩ Aasuelo wasumbĩkĩte. Ũtw'ĩo ũsu waandĩkĩiwe atongoi, makavana onthe ma isio isu na anini moo; waandĩkĩtwe kumana na mwĩao wa mũsumbĩ na ũkatumbwa mũulĩ na mbete yake.

Kamba (Mbivilia) 1956

Nĩvo ĩndĩ aandĩki ma mũsumbĩ meetiwe mwei wa mbee, mũthenya wa ĩkũmi na ĩtatũ waw’o; na kwaandĩkiwe kwĩanana na w’onthe, ũla Amani weaĩe asumbĩ anini ma kwa mũsumbĩ, na makavana ala maĩ ĩũlũ wa kĩla kĩlungu kĩnene kya nthĩ, na anene me mbee ũsumbĩnĩ ma kĩla ũko wa andũ, kwa kĩla kĩlungu kĩnene kya nthĩ kwĩanana na maandĩko makyo, na kĩla ũko wa andũ kũatĩĩa kĩthyomo kyaw’o; kwaandĩkwa syĩtwanĩ ya mũsumbĩ Aasuelo, na kũsiĩlwa na ngome ya mũsumbĩ.