Esther 3:13 — Compare Translations

Kamba (MBIVILIA ŨVOO MŨSEO)

Andũ amwe nĩmatũmiwe matwae ũtw'ĩo ũsu isionĩ syonthe sya ũsumbĩ wa Aasuelo. Valũa isu syoonanĩtye kana Ayuti onthe; ma mũika na ala akũũ, aka na syana nĩmoawe mathele na syĩndũ syoo syanangwe vyũ mũthenyanĩ o ũmwe, naw'o nĩ matukũ ĩkũmi na atatũ mwei wa ĩkũmi na ilĩ, ũla nĩw'o mwei wa Atali.

Kamba (Mbivilia) 1956

Na mavalũa matwawa nĩ atwai ma mavalũa ilungunĩ nene syonthe sya nthĩ sya mũsumbĩ, mamanange, na kũmoaa, na kũmamina, Ayuti onthe, o ma mũika na ala akũũ, syana nini na aka, mũthenya ũmwe, o mũthenya wa ĩkũmi na ĩtatũ wa mwei wa ĩkũmi na ĩlĩ, naw’o nĩ mwei wa Atali, na makyosa syĩndũ syoo syĩthĩwe mũtavo.