Esther 3:8 — Compare Translations

Kamba (MBIVILIA ŨVOO MŨSEO)

Nĩvo ĩndĩ Amani weeie Mũsumbĩ Aasuelo atĩĩ, “Ve ũko wa andũ manyaĩĩkĩe kĩla vandũ andũnĩ onthe ma isio sya ũsumbĩ waku. Syĩthĩo sya andũ asu syĩ kĩvathũkany'o na sya andũ ala angĩ onthe. O vamwe na ũu, mayĩkaa ũndũ mĩao yaku we mũsumbĩ ĩkwasya, kwa kĩtumi kĩu vai ũtethyo kwaku we mũsumbĩ kũmĩanĩsya namo.

Kamba (Mbivilia) 1956

Na Amani amwĩa mũsumbĩ Aasuelo, Ve ũko ũmwe wa andũ ũnyaĩĩkĩe kũũ na kũũ katĩ wa ngo sya andũ ilungunĩ nene sya nthĩ sya ũsumbĩ waku; na mĩao yoo ĩ kĩvathũkan’yo na ya kĩla ũko wa andũ; o na maikwataa mĩao ya mũsumbĩ: kwondũ wa ũu kũti ũuno kwa mũsumbĩ kũmaeka mekale.