Esther 4:11 — Compare Translations

Kamba (MBIVILIA ŨVOO MŨSEO)

“Athũkũmi onthe ma mũsumbĩ na andũ ala angĩ onthe mekalaa isionĩ ila syĩ ungu wa ũsumbĩ wake, nĩmesĩ kana ve mwĩao ũmwe tũ, ũla waasya kana mũndũ-ũme kana mũndũ mũka o na wĩva, ũla wĩthi alike nyũmbanĩ ya mũsumbĩ vala wĩkalaa atetĩtwe vo, akooawa. Mũndũ ũla ũtakoawa no ũla wĩlika vo na mũsumbĩ ayũkĩlya ĩla ndata yake ya thaavu kwonany'a kana ũsu ndaĩlĩte kũawa. Yu mĩthenya mĩongo ĩtatũ nĩ mĩthelu nyie ndalika kwa mũsumbĩ, nũndũ ndaandũmana nĩthi vo.”

Kamba (Mbivilia) 1956

Athũkũmi onthe ma mũsumbĩ, na andũ ma ilungu nene sya nthĩ sya mũsumbĩ, nĩmeũmanya, mũndũ o na wĩva, ethĩwa nĩ mũndũ mũũme kana mũndũ mũka, wĩũka alike kwa mũsumbĩ kũvika nza ya nthĩnĩ, ate mwĩte, ve mwĩao ũmwe kwake, kana akooawa, ate o ala mũsumbĩ wĩmatambũũkĩsya ĩla ndata ya thaavu ya ũsumbĩ, nĩ kana atonye kwĩkala thayũ: ĩndĩ nyie ndineeĩtwa nĩlike kwa mũsumbĩ mĩthenya ĩno mĩongo ĩtatũ.