Esther 7:8 — Compare Translations

Kamba (MBIVILIA ŨVOO MŨSEO)

Yĩla mũsumbĩ wasyokie vala manyw'ĩĩaa ndivai kuma vala waĩ anathi, nĩweethĩie Amani evalũkĩtye kĩvĩlanĩ kĩasa vala Esita wailyĩ ayĩsũvana ew'ĩwe tei. Mũsumbĩ nĩwaseng'ie na aneena na wasya mũnene asya atĩĩ, “Mũndũ ũũ esyoka akwate mũka wa mũsumbĩ na kũmũvukya nĩ o vo nyũmbanĩ yakwa mwene?” Mũsumbĩ aimina kũneena ndeto isu oou, ala aũme avakũe mekalaa kwa mũsumbĩ, nĩmavw'ĩkie Amani ũthyũ.

Kamba (Mbivilia) 1956

Nĩvo ĩndĩ mũsumbĩ wasyokie kuma mũũndanĩ wa nyũmba nene ya ũsumbĩ alike vala vandũ va ĩla mboka ya mbinyu; na Amani avalũkĩte ũkomonĩ ũla Esita wailyĩ. Nĩvo ĩndĩ mũsumbĩ waisye, Kaĩ nũtonya kũmwĩka na vinya mũka wa mũsumbĩ nĩ vo nyũmbanĩ? Ndeto ĩsu ĩkyuma kanyw’anĩ wa mũsumbĩ, mamũvw’ĩka Amani ũthyũ.