Esther 7:9 — Compare Translations

Kamba (MBIVILIA ŨVOO MŨSEO)

Ũmwe wa aũme asu weetawa Alivona nĩwaisye atĩĩ, “O na ve mũtĩ wĩ na ũasa wa mita mĩongo ĩlĩ na ilĩ mũsyĩ kwa Amani, ũla ũseũvĩtye akenzĩla nĩ kana asũsye Molitekai, ũla watangĩĩie mũsumbĩ ndakoawe!” Nĩvo ĩndĩ mũsumbĩ waisye, “Mũsũsyei vo!”

Kamba (Mbivilia) 1956

Nĩvo ĩndĩ Alivona, ũmwe wa avakũe ala maĩ vo mbee wa mũsumbĩ, waisye, Na ĩngĩ sisya, mũtĩ wa mĩkono mĩongo ĩtano ũtũlu waw’o, ũla Amani ũseũvĩtye nũndũ wa Molitekai, ũla waneenie nesa ũndũ wa mũsumbĩ, ũũngamĩtw’e nyũmbanĩ kwa Amani. Na mũsumbĩ asya, Mũsũsyei ĩũlũ waw’o.