Exodus 39:1 — Compare Translations

Kamba (MBIVILIA ŨVOO MŨSEO)

Mbesaleli, Ooliavu na ala andũ maĩ na ũmanyi nĩmatũmĩie ila ndii sya w'ĩa wa langi wa mbuluu, ũngĩ wa langi wa nzambalaũ, na ũngĩ mũtune mũno kũseũvya ngũa nzeo ila athembi maĩlĩte kwĩkĩa yĩla meũthũkũma vala Vandũnĩ Vatheu. Nĩmaseũvisye ngũa sya kĩ-ũthembi sya Alũni kwĩanana na ũndũ Mwĩai Ngai weeaĩie Mwose.

Kamba (Mbivilia) 1956

Na maseũvya ngũa ndume nesa mũno sya ila ndii sya vuluu, na ila itilyĩ ta ndune, na ila ndune mũno, ũndũ wa wĩa wa kũthũkũmĩaa vala vandũ vatheu, na maseũvya ila ngũa ntheu kwondũ wa Aluni; o tondũ Yeova weaĩe Mose.