Ezekiel 20:47 — Compare Translations

Kamba (MBIVILIA ŨVOO MŨSEO)

Tavya mũtitũ wa ngalĩko ya ĩtheo ũwĩe atĩĩ, ‘Ĩw'a ũndũ Mwĩai Ngai ũkũkwĩa. Mwĩai Ngai Mũsumbĩ ekwĩa atĩĩ: Ngakany'a mwaki nthĩnĩ waku, naw'o ũkavĩvya kĩla mũtĩ mwĩũ nthĩnĩ waku na kĩla mũtĩ mũmũ, mwaki ũla wĩakana ndũkavoeka, na mothyũ ma andũ onthe kuma ngalĩko ya ĩtheo kũvika ngalĩko ya ĩũlũ makavĩvw'a nĩ mwaki ũsu.

Kamba (Mbivilia) 1956

noiwĩa mũtitũ wa ngalĩ ya Ĩtheo, Ĩthukĩĩsye ndeto ya Yeova: Ũũ nĩw’o Mwĩaĩi Yeova ũnũkwasya, Sisya, ngakan’ya mwaki nthĩnĩ waku, na ũkavĩvya kĩla mũtĩ mwĩũ wĩ nthĩnĩ waku, na kĩla mũtĩ mũmũ: ũmũĩ mwakanu ndũkavow’a, na mothyũ onthe kuma ngalĩ ya ĩtheo kũvika ngalĩ ya ĩũlũ makavĩvw’a nĩw’o.