Ezekiel 25:3 — Compare Translations

Kamba (MBIVILIA ŨVOO MŨSEO)

Tavya Aamimoni ũmee atĩĩ, ‘Ĩthukĩĩsyei ũndũ Mwĩai Ngai Mũsumbĩ ũkwasya. Easya atĩĩ: Nũndũ nĩmwatanie yĩla Ĩkalũ yakwa yavukiw'e, yĩla nthĩ ya Ĩsilaeli yatiiwe ĩte kĩndũ, na yĩla andũ ma Yuta makwatiwe matwawa nthĩ ya ũeninĩ me ove,

Kamba (Mbivilia) 1956

na matavye ana ma Amimoni, Ĩthukĩĩsyei ndeto ya Mwĩaĩi Yeova: Ũũ nĩw’o Mwĩaĩi Yeova ũnũkwasya, Nĩkwĩthĩwa waisye, Aa! Ĩũlũ wa vandũ vakwa vatheu, yĩla vavukiw’e; na ĩũlũ wa nthĩ ya Isilaeli, yĩla yatw’ĩwe nthei; na ĩũlũ wa nyũmba ya Yuta, yĩla maendie me atave: