Ezekiel 31:14 — Compare Translations

Kamba (MBIVILIA ŨVOO MŨSEO)

Maũndũ asu makeekĩka nĩ kana mĩtĩ ĩla ĩngĩ yĩ ũtee wa kĩw'ũ ndĩkaasave mũno mĩthya ya yo ĩvike matunĩ, na nĩ kana mĩtĩ ĩla ĩnyusaa kĩw'ũ ndĩkaasave ũu. Mĩtĩ ĩsu yonthe yathĩĩwe kũkw'a o tondũ andũ makusaa, na kũthi nthĩ ya ala akw'ũ.

Kamba (Mbivilia) 1956

nĩ kana mĩtĩ yonthe yĩ vakuvĩ na manzĩ ndĩkenenevye ũasanĩ wayo, kana kwia mĩthya yayo katĩ wa mbonge nthungu, kana ĩla yĩ vinya katĩ wayo ĩũngame ũasanĩ wayo, o yonthe ĩla ĩnyusaa manzĩ: nũndũ onthe nĩmanenganĩte makw’e, kũvika kũndũ kwĩ nthĩnĩ wa nthĩ, katĩ wa ana ma andũ, vamwe na ala matheeaa yĩla ĩimanĩ.