Ezekiel 41:7 — Compare Translations

Kamba (MBIVILIA ŨVOO MŨSEO)

Nyũmba ila syaakĩtwe ndee kwĩlingĩla Ĩkalũ syaendaa ithanthaĩte o ũndũ ngolova yambatĩte. Mwako ũla waakĩtwe wĩlingĩlĩte Ĩkalũ wongelekete ũthanthau o ũndũ wambatĩte, ũkethĩa nyũmba ila syĩ ĩũlũ nĩ nthanthau kwĩ ila syĩ ungu wasyo. Vaĩ ngasi yambatĩte kuma nyũmba sya nthĩ ĩkesĩla nyũmbanĩ sya katĩ, ĩkavika nyũmbanĩ ila sya ĩũlũ vyũ.

Kamba (Mbivilia) 1956

Na tũsũmba twĩ ndee twaĩ tũthanthaangu tũkĩthyũlũlũka ĩũlũ na ĩũlũ: nũndũ kũthyũlũlũka kwa nyũmba kwambatie ĩũlũ na ĩũlũ ngalĩ syonthe sya nyũmba: kwondũ wa ũu ũthanthau wa nyũmba nĩwaendeee kũthanthaa kũvika ĩũlũ; na mũndũ ambataa ta ũu kuma kasũmba ka ĩtheo kũvika kasũmba ke ĩũlũ aivĩtĩla kasũmba ka katĩ.