Ezekiel 43:17 — Compare Translations

Kamba (MBIVILIA ŨVOO MŨSEO)

O ta ũu ũtiivo ũkeethĩwa wĩanene ngalĩko syonthe, wĩ na ũasa wa mita mũonza na ũthanthau wĩana o ũu. Ũtiivo ũsu ũkeethĩwa na mũlengo wĩ na ũthanthau wa sendimita mĩongo ĩlĩ na itano, na ĩtina yĩna ũtũlu wa nyusu mita kwĩlingĩla kĩthembeo kĩu. Ngasi ya kwambata kĩthembeonĩ ĩkeethĩwa ngalĩko ya wumĩlonĩ wa syũa.

Kamba (Mbivilia) 1956

Na ũnyitĩku ũkeethĩwa mĩkono ĩkũmi na ĩna ũasa waw’o na ĩkũmi na ĩna ũthanthau waw’o ngalĩ inya syaw’o; na ũengo ũtee wakyo ũkeethĩwa nyunzu ya mũkono; na ĩtina yakyo yĩkeethĩwa mũkono ngalĩ syonthe; na kyambatĩlo kyakyo kĩkeelekela ngalĩ ya wumĩlonĩ wa syũa.