Ezekiel 43:7 — Compare Translations

Kamba (MBIVILIA ŨVOO MŨSEO)

Nĩwambĩie atĩĩ, “Mwana wa mũndũ, vaa nĩvo ve kĩvĩla kyakwa kya kĩ-ũsumbĩ, vala nĩkinyasya nyaĩĩ syakwa, na ngekala katĩ wa andũ ma Ĩsilaeli tene na tene. Andũ ma Ĩsilaeli kana asumbĩ moo maikavukya ĩngĩ ĩsyĩtwa yakwa ĩtheu kwa kũthaitha ngai sya mĩvw'anano, kana kwa kũthika mĩĩ ya asumbĩ moo vaa.

Kamba (Mbivilia) 1956

Na ambĩa, Mwana wa mũndũ, vaa nĩ vandũ va kĩvĩla kyakwa kya ũsumbĩ, na vandũ va nyaĩĩ syakwa, vala ngatũaa katĩ wa ana ma Isilaeli tene na tene. Na nyũmba ya Isilaeli ndĩkavukya syĩtwa yakwa ĩtheu ĩngĩ, mo, kana asumbĩ moo, kwondũ wa ũmalwaya woo, na kwondũ wa simba sya asumbĩ moo syĩ kũndũ kwoo kũtũlu;