Ezekiel 45:17 — Compare Translations

Kamba (MBIVILIA ŨVOO MŨSEO)

Ũkeethĩawa wĩa wa mũsumbĩ kũnengane nthembo sya kũvĩvw'a, nthembo sya ngetha ya mbaa mbeke, na nthembo sya kũnyuwa sya ndivai ĩvindanĩ ya mboka: Mboka sya Kũtisa kwa Mwei, Savato, na mboka syonthe ila itw'ĩtwe sya andũ ma Ĩsilaeli. Mũsumbĩ akanenganae nthembo kwondũ wa ũekeo wa naĩ, nthembo sya mbaa mbeke, nthembo sya kũvĩvw'a na nthembo sya ngwatanĩo, nĩ kana syĩthĩwe nthembo ya wĩw'anĩthyo kwondũ wa andũ ma Ĩsilaeli.”

Kamba (Mbivilia) 1956

Na kĩkeethĩwa kĩanda kya mũnene ũsu kũnengane nthembo sya kũvĩvw’a, na nthembo sya mũtu, na nthembo sya kũnyuwa, mbokanĩ, na syathĩnĩ sya mĩtisonĩ ya myei, na masavatonĩ, mbokanĩ syonthe itw’ĩtwe sya nyũmba ya Isilaeli: akaseũvya nthembo ya naĩ, na nthembo ya mũtu, na nthembo ya kũvĩvw’a, na nthembo sya mũuo, syĩthĩwe nthembo ya wĩw’anĩthyo kwondũ wa nyũmba ya Isilaeli.