Ezekiel 46:12 — Compare Translations

Kamba (MBIVILIA ŨVOO MŨSEO)

“Yĩla mũtongoi wenda kũmbumĩsya nyie Mwĩai Ngai nthembo ya ngoo ya kwenda, ethĩwa nĩ nthembo ya kũvĩvw'a kana nthembo sya ngwatanĩo, akavingũĩawa mũvĩa ũla wĩ ngalĩko ya wumĩlonĩ wa syũa. Akaumasya nthembo isu o ũndũ wĩkaa mũthenyanĩ wa Savato. Nĩvo ĩndĩ wĩumaalaa na mũvĩa ũivingwa.”

Kamba (Mbivilia) 1956

Na yĩla mũnene wĩ mbee ũsumbĩnĩ ũkaseũvya nthembo ya kũthemba na ngoo ya kwenda, nthembo ya kũvĩvw’a kana nthembo sya mũuo syĩthĩwe nthembo ya kũmũthembea Yeova na ngoo ya kwenda, mũndũ ũmwe ũkamũvingũĩa mbingĩlo ĩla yelekele wumĩlonĩ wa syũa; na akaseũvya nthembo yake ya kũvĩvw’a na nthembo syake sya mũuo, o tondũ wĩkaa mũthenya wa savato: na ĩndĩ akaumaala; na ĩtina wa kumaala kwake ũmwe akavinga mbingĩlo.