Ezekiel 48:18 — Compare Translations

Kamba (MBIVILIA ŨVOO MŨSEO)

Kĩsio kĩla kĩtiala kya kĩsio kĩu kĩtheu kĩkeethĩwa na ũasa wa kĩlomita itano, na ũthanthau wa kĩlomita ilĩ na nyusu ngalĩko ya wumĩlonĩ wa syũa, na ũasa wa kĩlomita itano na ũthanthau wa kĩlomita ilĩ na nyusu ngalĩko ya ũthũĩlonĩ wa syũa. Ũsyao wa kĩsio kĩu ũkeethĩawa lĩu wa ala matethasya wĩa ndũanĩ ĩsu.

Kamba (Mbivilia) 1956

Ũtialo wa ũasa, kwĩanana na ĩla nthembo ntheu, ũkeethĩwa ngili ĩkũmi kwelekela ngalĩ ya wumĩlonĩ wa syũa, na ngili ĩkũmi kwelekela ngalĩ ya ũthũĩlonĩ wa syũa; kwĩanana na ĩla nthembo ntheu; na wingĩvonĩ wa ũsyao waw’o kũkeethĩwa lĩu wa ala matethasya wĩa ndũanĩ.