Ezekiel 8:3 — Compare Translations

Kamba (MBIVILIA ŨVOO MŨSEO)

Nĩwatambũũkisye kĩla kyailyĩ ta kw'oko kwake na ambũkĩlya angwete nzw'ĩĩ yakwa. Veva nĩwambũkĩlilye ambĩkalya katĩ wa ĩtu na nthĩ, na andwaa nginya Yelũsalemu nĩ mawoninĩ ma Ngai. Nĩwandwaie ũlikĩlonĩ ũla wa nthĩnĩ wa mũvĩa wa ngalĩko ya ĩũlũ wa Ĩkalũ vala vaĩ mũvw'anano wa kũthatya, ũla ũthatasya Ngai.

Kamba (Mbivilia) 1956

Na atambũũkya kĩndũ kĩilyĩ kw’oko, na angwata kĩthũkũ kĩmwe kya mũtwe wakwa; na Veva ambũkĩlya katĩ wa nthĩ na ĩtu, na andwaa mawoninĩ ma Ngai ku Yelusaleme, mũomonĩ wa mbingĩlo ya nza ya nthĩnĩ ila yelekele ngalĩ ya ĩũlũ; vala vaĩ wĩkalo wa mũvw’anano wa kĩwĩu, ũla wĩkĩaa kĩwĩu.