Ezra 3:11 — Compare Translations

Kamba (MBIVILIA ŨVOO MŨSEO)

Nĩmainĩie Mwĩai Ngai mbathi sya kũmũtaĩa na kũmũtũngĩa mũvea maisyokeleela kĩtĩkĩĩsyo kĩĩ: “Mwĩai Ngai nĩ mũseo, na wendo wake ũtaolekaa kwa andũ ma Ĩsilaeli nĩwĩkalaa tene na tene.” Andũ onthe nĩmataĩie Mwĩai Ngai na wasya mũnene nũndũ mũsingi wa Ĩkalũ nĩwambĩĩie kwakwa.

Kamba (Mbivilia) 1956

Na maina makĩtĩkĩanĩsya makĩtaĩa na kũmũtũngĩa Yeova mũvea, makyasya, Nũndũ nĩ mũseo, nũndũ ũseo wake wĩ wendo kwa Isilaeli nĩwĩkalaa tene na tene. Na andũ onthe mookĩlya wasya mũnene, yĩla mamũtaĩe Yeova, nĩkwĩthĩwa mwambĩlĩlyo wa nyũmba ya Yeova waĩ mũkwatye.